Saarullik Atlantikup Imartaaneersoq
Nioqqutigut
Saarulliup kimikitsumik mamassuseqarnerata miseqqanut kinilaartunut imaluunniit nerisassanut akuutissaqarluartunut akugissallugu naleqqulluinnartippaa. Neqi angisuunngorlugu arlalinnut uulliaq, siatassaq isseqarluartoq aamma tungusunnilaartoq, kisianni aalajangersimasumik mamassuseqanngitsoq. Atlatikup imartaaneersoq saarullinnik orsumik, proteininik, kalorianik aamma selenimik, B12-mik omega-3-orsumillu annertuumik agguataarluakkanik akoqarpoq.
Nioqqutit amerlasuut
Saarullik atlantikup imartaaneersoq Royal Greenalandimeersoq assigiinngitsunik uullineqartarpoq, tassunga ilanngullugu nerpiiarneqarluni ameqartillugu saaneqartillugu imaluunniit ameqartinnagu saaneqartinnagulu.
Saarullik Atlantikup imartaaneersoq immamiitilluni
Saarullik Atlantikup Imartaaneersoq Atlantikup avannaata Barentillu imartaani uumasuuvoq. Umiusaqarnini aminilu kusanartunik milaasalik immallu naqqani uumaffimmini atugassarititaasut malillugit allanngorartoq ilisarnaatigilluaramiuk ilisariuminartuuvoq. Immap naqqa qanillugu itissutsini meterit 50-iniit 200-t missaannik ititigisumi uumasuukkajuppoq imarlu nillertoq 2-10°C missaannik nillissusilik uumaffigiumanerusarpaa.
Atlantikup imartaaneersoq saarullik Nunatsinni imaaneersoq piujuartitsisumik Marine Stewardship Council-itut (MSC) akuerisaanngilaq, kisianni Royal Greenland misissuinernut aamma ilisimatusarnernut paasissutissanik uppernarsaaneq taperserniarlugu ilungersuuteqarpoq, aamma siunissami akuerisaalernissaa neriuutigineqarpoq.
Saarulliup Atlantikup imartaaneersup uumaffii
Saarullik Atlantikup Imartaaneersoq Atlantikup avannaata Barentillu imartaani uumasuuvoq.
Aalisarneq
Saarullinnik Atlantikup imartaaneersunik aalisarneq sinerissap qanittuani avataanilu aalisarnertut taaneqarsinnaavoq
Avataasiorluni aalisarneq
Nioqqutit taakkua kusanarnersanut pitsaanerpaanullu ilaapput nunarsuullu sinnerani pisisartunit pilerigineqarluarlutik. Kilisaatigut qalorsuarnik ningittakkanilluunniit atuisut saarullinnik tiimiluit ilunni suliarinninnissamut atortorissaaruteqarput pitsaalluinnartuunissaannik qulakkeerinnittumik.
Pingaarnertut nioqqutitsinnut ilaapput saarulliit nerpii amillit saanillillu aamma ameqanngitsut saaneqanngitsullu nunamut ikaanneqarnerminni pisiniartartunut nassiunneqartartut. Qassusersorluni aalisarneq mianersortumik piniutitut isigineqartarpoq. Saarulliit taakkua H&G-tut (Headed and Gutted) tunisassiarineqartarput akunnialuillu ingerlaneranni qeritinneqartarlutik nunamukaannerinilu nassiunneqartarlutik.
KILISAAMMI QERITITSINERIT
Nioqqutit taakkua kilisaammi qaqinneqarnerisa kingorna piaartumik aamma mianersortumik tunisassiarineqarneri pissutigalugu kusanarnersaasarput pitsaanerpaallutillu.
Sinerissap qanittuani aalisarneq
Saarullik atlantikup imartaaneersoq najukkami aalisartunit arlalinnit pingaarnertut qassutinik pisarineqartarput.
Sinerissap qanittuani aalisarneq marlunnik avinneqarsinnaavoq:
- Ileqqut malillugit sinerissap qanittuani aalisarneq aamma nunami tunisassiorneq. Pisat qaqinneqartarput, qaqinnerinilu aalisakkat salinneqartarlutik, Royal Greenlandip tunisassiorfianut nassiunneqartigatik.
- Nutaaq®, najukkami aalisartut qanimut suleqatigalugit ineriartortitaq:
Saarulliit Nutaaq®-tut tunisassiat
Saarulliit Nutaaq®-tut tunisassiat immamiit qaqinneqarneriniit qeritinneqarnerinut akunnerit annerpaamik marluinnaasarmata saarullinnik tunisassioriaaseq nutaarluinnaavoq. Nutaaq® nutaarsunninnerugami, qaqqorinnerugami mamarnerugamilu saarullinnut pitsaassutsimik uuttueriaasermik nutaamik pilersitsivoq.
Tunisassiorneq
Nunami tunisassiorfigut najukkami aalisartunik tatiginartumik suleqateqarnissamut pisariaqartitsipput. Pitsaassuseq qaffasinnerpaaq qilakkeerniarlugu tunisassiornerup piaarnerpaamik ingerlanneqarnissaa pingaaruteqarpoq. Taamaattumik tunisassiorfitsinni tunisassioriaatsit nutaaliaalluinnartut ineriartortippagut, aalisakkanik pisarineqaqqaanik asiutitsinnginnissamut immikkut ilusilersukkat. Njaukkami aalisartut qanimut suleqatigalugit Nutaaq® aamma "Fresh When Frozen" ineriartortippagut.
Nunami tunisassiorfimmi nioqqutigut tamakkiisut pingaartumik nerpiiaanerupput, J-cut aamma H&G (niaquikkat paperuikkallu). Taakkua saniatigut saarullinnik tarajortikkanik tunisassiaqarpugut.
Tunisassiat naammassereersut nunarsuarmi tamarmi pisisartunut immikkoortinneqartarput.