Saarulliit Nutaaq®
Nutaaq®– tunisassioriaaseq nutaarluinnaq
Royal Greenland tunisassioriaatsimik nutaamik pilersitsinissamut aningaasaliinikuugami najuakkani aalisartut suleqatigalugit mamarluinnartumik tunisassiornissamut periuutsimik nutaamik pilersitsivoq.
Taaguuserparput Nutaaq®– Royal Greenlandimi saarullinnut pitsaassuseq nutaaq immikkuullarissorlu naqissuserniarlugit. Nutaaq™ aalisarnermiit nioqqutissamut piariikkamut passussineq siunertaq ataaseq, tassa aalisakkap qaqerlaap pitsaassusaata pigiinnarnissaa, anguniarlugu saarullinnut pitsaassutsimik qaffaataavoq.
Nutaaq® nerpeqarpoq qaqungaatsiartumik aamma mamarluinnartumik.
Nutaaq® imaanit qerititsivimmut annerpaamik akunnerit marluk apuunneqarsimanissaa qulakkeerneqassaaq.
Pitsaassuseq immikkuullarissoq
Nutaaq®-saarullik immikkuullarissumik pitsaassuseqarpoq, aqittumik isseqarluartumillu, immikkut nutaatut mamassuseqarluni, nerisassianik mamarluinnartunik kusanartunilllu periarfissiisumik.
Nutaaq® = tunisassioriaaseq nutaaq
Royal Greenland Nunatsinni najukkami aalisartunik suleqateqarluni najoqqutassamik nutaamik pilersitsivoq, saarulliup pitsaassusaanik qaffaasumik.
Saarullinnik Nutaaq®-tut tunisassiassanik aalisarneq
Nutaaq® saarullik aallaavigalugu aalisarneq ukiut tamaasa qaammatialuinnaat ingerlaneranni, maajimit oktobarimut ingerlanneqartarpoq, saarulliit inersimasut imaannaq qimappassuk nunattalu kitaata sineriaani suffiniarlutik immamut ikkanerusumiileraangata.
Qassutit ulikkaaraangata aalisakkat aalisarfimmut ungasinngitsumik tulattarfimmi tasertanut angisuunukaallugit assartorneqartarput. Tassani aalisartut qassutitik periuseq siittartumut assingusoq atorlugu imaartarpaat, tassa saarulliit immamiit qaqinneqaratik qassutiniit tasertamut nuunneqartarmata.
Royal Greenlandip kilisaataataata uumatitsiviup saarulliit tasertanit katersortarpai, tassanilu saarulliit immikkoortiterasuarneqartarput. Aalisakkat 45 cm-iniit minnerusut immamut uterteqqinneqartaramik suffillutik siunissami saarulleqassutsimut iluaqutaasinnaapput.
Nutaaq® saarullinniarneq
Royal Greenlandimi uumatitsivimmi aalisakkat 45 centimiiterit ataanniittut tamaasa immikkoortiterneqartarput saarullik Maniitsumi aalisakkerivimmut assartorneqartinnagu.
Saarullik kusanartoq ima Nutaaq® -nngortarpoq
Sukkasuumik qajassuartumillu suliarinninneq saarulliit nerpiinut Nutaaq®-tut tunisassiat pitsaassusaannut immikkuullarissumut peqqutaavoq.
Tunisassiornermik atortut pitsaasut
Pitsaanerpaanissaat assingiissaarnissaat qulakkeerniarlugu ass. imeq tissaluttoq atorlugu nerpiiaasoqartarpoq.