Niuernermi periaaseq

Niuernermi periuseq Royal Greenlandimit malinneqartoq nungusaataanngitsumik aalisarnikkut taamatuttaarlu aalisakkanik qalerualinnillu tukertitaanngitsunik pisiortornikkut, tunisassianik qaffasissumik pitsaassusilinnik tunisassiornikkut aamma najukkami nunanilu tamalaani pisisartunut tuniniaanikkut naleqalersitsinermik tunngaveqarpoq. Tunisassiatta piginnittutsinnut najukkamilu inuiaqatigiinnut aallussaqarfigisatsinnut iluaqutaasumik naleqalersinnissaat anguniagaraarput.

Piujuartitsinermik tunngaveqarnissatsinnik kiisalu illoqarfippassuarni nunaqarfippassuarnilu siunissami suliffissat qulakkeerniarlugit ilinniartitsillutalu ilisimasatsinnik sulisutsinnut ingerlatitseqqiinissatsinnik annertuumik akisussaaffeqarpugut. Taamatuttaaq nunatsinni, Canadami Tysklandimilu tunisassiorfitsinni tamani suliffiit annertuumik ilorrisimaarfiusumik timikkut tarnikkullu pitsaasumik avatangiiseqartinnissaat qulakkeerniarlugu isumaginninnissamik pissuserissaarnissamillu akisussaaffeqarpugut.

Piujuartitsineq - FN-ip piujuartitsisumik ineriartornermut anguniagaa 

Royal Greenland piujuartitsineq pillugu periusissiamik siammasissumik aallaaveqartumik FN-illu nunarsuaq tamakkerlugu piujuartitsineq tunngavigalugu ineriartortitsinissamik anguniagaanik 17-iusunik anguniagaqarfiusunik pilersitsivoq.