Royal Greenland pilluta
Royal Greenland Kalaallit Nunaannit pigineqarpoq
Royal Greenland suliffeqarfittut tamakkiisumik ingerlataqarluartuuvoq, piginnaanernut, ileqqunut, ilisimasanut aamma misilittakkanut qitiulluinnartoq, aalisakkanik qalerualinnillu imaannarmi pisanik qaffasissumillu pitsaassusilinnik Atlantikup Avannaanit Issittullu imartaaneersunik nunani tamalaani atuisunut pissaqartitsisoq.
Royal Greenland A/S aktiaateqarluni ingerlatseqatigiiffiuvoq namminersortoq, aktiallu 100%-ii Kalaallit Nunaanni Namminersorlutik Oqartussanit pigineqarput.
Royal Greenlandip qullersaqarfia Nuummiippoq. Kalaallit Nunaat nunarsuarmi qeqertat annersaraat 56.000-nik inulik.
Siunertarput
Nalillit pissarsiarisinnaanerisigut siunissaq patajaannerulersissavarput
Aalisakkat qaleruallillu naleqarnerpaaffii angullugit atuinitsigut – sumiiffinni ingerlatsineq nunarsuarmilu tuniniaaneq angusinnaavarput, innuttaasut, tunisassiassat sumiiffiillu siunissaat patajaannerulersinniarlugu maaniippugut, iliuuserisagullu innuttaasunut Kalaallit Nunaanniittunut piginnittorisatsinnullu 56.000-jusunut tamanut iluaqutaassapput.
Nunatta kitaata sineriaani Canadamilu Atlantikup imartaani aalisartut pisatik tunitsivinnut tunisassiorfinnullu 40-nit amerlanerusunut tunisarpaat. Najukkami qanilaartuunikkut Royal Greenland aalisakkanik qalerualinnillu assigiinngitsunik mamartunik pissarsisinnaavoq aamma najukkami inuiaqatigiinni suliffissanik tusintilikkaanik attassisinnaalluni.
Pissuseqatigiiaat pitsaalluinnartut atorlugit tunisassianik nioqqutissiortarpugut, soorlu assersuutigalugu: Raajat issittup imartaaneersut (qaleruallit aamma uusut qalipaajakkallu), qaleralik, saarullik atlantikup imartaaneersoq, saattuaq (Canadameersoq aamma Nunatsinneersoq) aamma nipisaat suaat.
Nunani tamalaani niuerfinni najukkami tuniniaaviit niuerfinnik ineriartortitsisuupput, pisisartunik siunnersuisarput aammaattaaq niuerfinni piumasaqaatit tunisassiallu Atlantikup Avannaaneersut sikusartumeersullu imminnut naapertuunnissaannik pingaarutilimmik suliaqartarlutik. Najukkami tuniniaasut pitsaassusilerisunit kiisalu nittarsaassinermik niuernermillu ineriartortitsinermik sulialinnit taperserneqartarput, taamaaliornikkullu najukkami pisisartut atuisullu piumasaat paasilluarneqartarput.
Kulturikkut kingornussarput
Royal Greenlandip qullersaqarfia Nuummiippoq. Nunap aamma Royal Greenlandip oqaluttuarisaanera imminnut qanimut atassuteqarput suliffeqarfillu nunatsinni aalisarnerup nutaaliaasup ineriartornerani pingaarutilimmik atuuffeqarpoq.