* Ilaasortat sulisunit qinerneqartut 

Ingerlatseqatigiiffiup siulersuisuisa akissarsiaat 2023-imi katillugit 2,4 mio. DKK-jupput

Pisortaaqatigiinnut akissarsiat

Suliffeqarfissuarmi pisortaqatigiit aningaasarsiamik aalajangersimasut saniatigut naatsorsuutitigut angusat apeqqutaatillugit aggornersiassanik pissarsisinnaapput.

Tamakku saniatigut pisortaqatigiit biileqartinneqarlutik, oqarasuaateqartinneqarlutik internetseqartinneqarlutillu aviisinut akiliunneqartarput. Pisortaqatigiit soraarnerussutisiaqartinneqaratillu soraarnissamut suliinnarnissamulluunniit isumaqatigiissuteqartinneqanngillat.

Suliffeqarfissuarmi tunisassiornermut pisortaq Lars Nielsen suliffeqarfimmit soraarsinneqaruni qaammatinik 18-inik sioqqutsisumik ilisimatinneqassaaq namminerlu soraarniuteqaruni qaammatinik arfinilinnik sioqqutsisumik ilisimatitsissaaq.

Pisortat allat suliffeqarfimmit soraarsinneqarunik qaammatinik 12-inik sioqqutsisumik ilisimatinneqassapput namminnerlu soraarniuteqarunik qaammatinik arfinilinnik sioqqutsisumik ilisimatitsissapput.

Pisortaaneq Susanne Arfelt Rajamand 2023-mi februaarip aallaqqaataani atorfinippoq.

Ukiumi aggornersiassani Susanne Arfelt Rajamandip atorfininnerminut tunngatillugu aggornersiassai Bruno Olesenillu soraarnerminut tunngatillugu ajunngitsorsiassai ilaapput.

Piginnittutut inissisimaneq suliffeqarfiillu akuuffigineqartut

Royal Greenland A/S piginneqatigiiffiuvoq, aktiallu piginneqataassutaasut 100%-ii Namminersorlutik Oqartussanit pigineqarput. Suliffeqarfiit pingaarnertut ingerlatseqatigiiffiup Royal Greenland A/S-ip tamakkiisumik pigisai piginneqataaffigisaaluunniit pillugit allattorsimaffik ataani takuneqarsinnaavoq.