Aalisakkat qaleruallillu nioqqutitta pitsaasuulluinnarnissaannut, attanneqarsinnaanissaannut aamma isumaannaatsuunissaannut ataavartumik naammassinnissinnaanissarput qulakkiissallugu Royal Greenlandimi pisussaaffeqarpugut. Ukiorpassuarni ilisimasagut nunarsuarmi sullissinitsinnut ilaatillugu suliffeqarfinnut tatiginartumik suleqatissarsiortunut pilersuisutut tulluarluinnarpugut, nunani tamalaani aalisakkanik qalerualinnillu unammilligassanut immikkuullarissunut naleqqussarsinnaasutut.

Tunisassiorneq

Royal Greenland Nunatsinni, Newfoundlandimi aamma Tysklandimi tunitsivinnut tunisassiorfinnullu 40-nit amerlanerusunut piginnittuullunilu ingerlatsisuuvoq. Tunisassiorfitta nunani tamalaani siammarsimaneritigut tunisassiassanik tunisinermut, pingaarnertut tunisassiornermut kiisalu niuerfinnut qaninnissarput qulakkeerparput.

Aalisakkat qaleruallillu amerlanersaat qaqinneqariarlutik aalisariummi tunisassiarineqartarput pisisartutsinnut toqqaannartumik nassiunneqartigatik.

Tunisassiorfimmi

Nunami tunisassiorfinni tamani aalisakkat qaleruallillu sikumiitinneqartarput pisisartutta piumanerusaat malillugu tunisassiarineqarnissamik tungaannut. Tunisassiornermi atortorissaarutit siammasiassut arlalinnik periarfissiipput, nutaaliortugullu atuisunut attuumassutilinnik najoqqutassanik nutaanik inerisaaginnaavittarput.

"BRCGS Food- aamma IFS Food malillugu pitsaassutsinut naapertuuttunik tunisassiorfiit pingaarnerit akuerisaapput, tunisassiorfiillu tamarmik patajaatsumik HACCP-imik tunngavilimmik pitsaassutsimik aqutsinermut atortumik atuutsilersitsipput."

Royal Greenland tunisassiorfinnik poortuivinnillu nutaalianik, tunisassianik atuisunut niuerfinnut qanittunut pisiareriaannarnik pitsanngorsaallutillu poortuisinnaasunik peqarpoq. Tunisassiorfiit poortuiviillu tamarmik qaffasissumik eqqiluisaarfiullutillu inuussutissat pillugit isumannaallisaanermik aaqqissuussamik (HACCP - Hazard Analysis Critical Control Points) suleriaaseqarput, tunisassiorfiillu amerlanerit BRC Food imaluunniit IFS Food naapertorlugu akuerisaapput.

Royal Greenlandip ilisarnaataa

Royal Greenlandimi ileqqunik, pitsaassutsimik aamma piujuartitsinermik tunngaveqartumik ilisarnaateqarpugut. Ukiut 250-it sinnerlugit aalisarnermut tunngasunik ilisimasaqarluarluta, Atlantikup avannaani imammit mingutsinneqanngitsumit nunarsuup sinnerani pisisartutsinnut aalisakkanik qalerualinnillu pitsaanerpaanik pilersuinissatsinnut pisussaaffeqarpugut. Akisussaassusilimmik pisiniarneq, pitsaassuseq aamma pinngortitaq inuillu ataqqilluinnarlugit tunniusimanerput nioqqutitta naleqassusaasa takutippaat.

Pingaarnertut naleqartitagut

Piujuartitsineq

Siunissami kinguaariinnut imartatta piujuartinnissaata pingaassusaa upperaarput. Aalisagaqatigiinnik aqulluarneqartunik pisaqartoqarsinnaanera aamma nungusaataanngitsumik tunngaveqarnermut akuersissutit sukangasuut malinneqarnissaat akisussaassusilimmik aalisariaatsimut pimoorussinitta qulakkeerpaa. Tamatuma imaani uumasoqatigiit ataqatigiinnerinnaat illersuinnanngilaa kisianni aamma inuiaqatigiit tamatuminnga pinngitsuuisinnaanngitsut taperserneqarput.

Pitsaassuseq

Royal Greenlandimi pitsaassuseq iliuuserisatsinni tamani pingaarnerpaavoq. Aalisakkanik qalerualinnillu pisarineqartuniit akisussaassusilimmik tukertitanut nunani tamalaani pitsaassutsinut malinnittunut tunisassiorsinnaanerput tulluusimaarutigaarput. Mianersortumik isumaginninnerup, suliareqqiinerup aamma poortuinerup nioqqutit nutaajunerat aamma mamassusaa attatiinnarnissaat qulakkeertarpaa.

Ammasuuneq

Immamit nerrivimmut pilersuinitsinni tamani ammasuunissamik pingaartitsivugut. Suminngaanneernerinik paasisaqarsinnaaneq periarfissaatipparput atuisut suleqatillu taamaalillutik nioqqutit tamarmik suminngaanneerneri ilisimassammassuk tamatumalu qulakkiissavaa aalisagaatitta qaleruallillu pissuserissaarnermut avatangiisinullu atatillugu innarligassaannginneri.

Nutaaliorneq

Suliffeqarfittut siumut isigisutut nutarterinissaq pitsaanerulernissarlu ujartortuarpagut. Tunisassiat nutaat nuterternerlugit, piujuartinneqarsinnaasumik poortueriaatsimik misileraanersugut imaluunniit teknologiinik nutaanik atuilernersugut apeqqutaatinnagu sukkasuumik allanngorarfiusumi siuttuunissaq ilutigalugu ileqqutigut naleqartitat attatiinnarnissaat anguniartuarparput.

Pisisartutsinnut nioqqutit meqqilersukkat pilersittarpagut  

Royal Greenlandip ilisarnaataata saniatigut Nammineq ilisarnaataat atorlugu aaqqiissutinik  neqerooruteqartarpugut, niuernermi pisariaqartitatit naammassiniarlugit aalisakkanut qalerualinnullu tunngasunik aaqqiissutinik naleqqussaasarluta. Pitsaassutsimut, piujuartitsinermut aamma nutaaliornermut tunniusimanitsinnik taperserneqartumik pisiniarfinnik ingerlatallit, suliffissuaqarfinni pisisartut aamma pilersuisut namminerisaminnik nioqqutaasa meqqilersornissaat pillugu suleqatigisarpagut. 

Nioqqutit tulluarsarneqarsinnaasut

Aalisakkat qaleruallillu assigiinngitsut qaleralinnit pisarineqartunit atlantikup imartaani tukertitanut kapisilinnut illit niuernermi piumasaqaatitit tulluarsakkat neqeroorutigaagut.

Eqaatsumik poortuineq

Poortueriaatsigut naleqqussarneqarsinnaapput, taamaalillutik ilisarnaatigisamut naleqqussarsinnaangamik, tassunga ilanngullugu avatanfiisinut mingutsitsinatik immikkullu ittunik iluseqarlutik.

Suleqatigiinneq tatigeqatigiiffiusoq

Royal Greenlandimik suleqateqarnermi nioqqutit pitsaalluinnartut assingusumik pitsaassusillit qulakkeerneqassapput.