Uummannaq_Fabrikschef_Abia_Gronland 22 020B_jfedit

Sunniuteqarnerput

Sunniuteqarnerput. FN-ip piujuartitsisumik ineriartornermut anguniagaa nr. 12 tunngavigalugu sunniuteqarnissaq anguniagaraarput siunniussaralugillu

CSR-UK-Icon-12
Aalisakkat qaleruallillu atorlugit nutaanik inuussutissaliornikkut atorluaaneq annertunerpaaffissaaniitinniarparput. Akisussaassuseqartumik atuinikkut pisuussutillu ataavartinneqarsinnaanngitsut nikerartumik atornerisigut avatangiisimut sunniuteqarnerput minnerpaaffissaaniitinniarparput.

Sunniuteqarfitta iluani immikkoortunik sisamanik suliniuteqarfeqarpugut: 

1. Innaallagissamik atuineq aamma CO2-mik aniatitsineq 

Royal Greenlandip kilisaataatai avataasiortut pingasut 2019-imiit maannamut nutaanik taarserneqareerput marlullu 2023-mi 2025-milu tiguneqassapput. Aalisariutit nutaat pingaartitat nutaat naapertorlugit ilusilersugaapput. Taamaaliornikkut nioqqutissat piareeriikkat tonsiugaangata nukissaq atorneqartoq piffissap ingerlanerani annikilliartortinneqassasoq naatsorsuutigineqarpoq.

Najukkami aamma nunarsuaq tamakkerlugu silaannaap kissatsikkiartornerata qaffakkiartortuarsinnarnera kingunissaalu pinaveersaartinniarlugit sunniuteqataanissatsinnut periarfissaqarpugut. Suliassaq ajornakusoorpoq, silaannaallu pissusiata allanngoriartorneranut tunngatillugu pitsanngorsaanikkut annikillisaanikkullu kiisalu nukissamik pilersuisunik piujuaannartitsineq tunngavigalugu nukissamillu silaannarmut sunniuteqanngitsumik pilersitsinissamik suliniuteqartut suleqatiginerisigut unammillernartut tamatta iliuuseqarfigigutsigit periarfissaqartoq isumaqarpugut.

 

M/tr Sisimiut pisoqaq Nutaarlu

M/tr Sisimiut nutaaq silarlukkaluartumi aalisarluartarpoq. Tamatuma kilisaat nutaaq aalisarluarsinnaanerutippaa, aamma – amerlanerusunillu uninngasuuteqarsinnaammat – sivisunerusumik aalisartoqarsinnaavoq usingiaajartornerillu akuttunerulerlutik. Kilisaammi atortorissaarutit mianersortumik ilusilersungaapput, kilisaammi sulinerminni tamarmik iluarusullutik angerlarsimasutullu misiginissaat qulakkeerniarlugu.

Sisimiut 2021 daab 03

2. Pisuussutinik sapinngisamik atorluaaneq 

Imaani aalisakkat qaleruallillu killilimmik isumalluutaammata, pisarineqarnerinit atorluartariaqarpagut. 

Tunisassiornermi sinnikut pillugit unammillernartut tassaapput sinnikut tunisassiarineqartartuniit allaanerunerujussuat. Amerlanertigut sinnikunik atorluaaniaraanni teknologii immikkuullarissoq atorlugu imaluunniit assaat atorlugit passussingaatsiarneq pisariaqartarpoq, taamaammallu igitsinissaq periarfissatuaalersinnaasarpoq. 

Aalisagaq nerpittaajarneqaraangat niaqua, amia qimerlualu sinnerutissapput, peqqunnillu, soorlu raajanik saattuanillu, qalipaajaanermi qalipappassuit sinnerutissapput. Nutaaliornikkut, aningaasaliinikkut ajornanngippallu avataaneersunik suleqatiserinnillunilu isumalluutinik pitsaanerusumik inississuinikkut atorluaanerulluni tunisassiortoqarsinnaavoq.

 

3. Pappiaqqat, pappialarsuit ninngusuut plastikkilu

 Tunisassiat piareeriikkat eqqiluisaartumik pilertortumillu assartorneqarlutillu attartuujussagunik poortorneqartariaqarput. Poortuutissalli suulluunniit atorneqassanngillat. 

EU-mi Tunisassiortunut Akisussaaffik Annertusisaq naapertorlugu poortuutissat tamarmik atoqqissinnaassusaat, qalipaataat oqimaassusaallu apeqqutaatillugit 2025-mi akitsuuserneqartarnissaat atulissaaq. 

Royal Greenlandip aallussinermini atoqqiineq annertusitikkumallugulu poortuutissat atortullu allat piujuartitsinermi atorneqarnerusinnaasut misissorlugillu allanngortinneqarnissaannut periarfissanik takusinnaavai.

Plastikkinut atoqqinneqarsinnaasunut ikaarsaarneq

Plastikkinik atuinerup annikillisillugu plastikinut atoqqinneqarsinnaasunut ikaarsaariarneq unamminarsimavoq. Plasti naleqarnerulersitsinerni amerlasuuni atorneqartarpoq aamma poortuinermmi qassutini kilisaammilu toqqortanik poortuutitut illersuutitullu pingaaruteqarpoq.

Brine Cuxhaven 007

4. Imermik atuineq

Imeq tarajoqanngitsoq minguitsorlu pisuussutaavoq tunisassiorfitsinnut tamanut pingaarutilik. 

Imeq tarajoqanngitsoq Royal Greenlandip tunisassiorfiini atorneqartoq nunap qaavaneersuusinnaallunilu, iluaneersuusinnaallunilu tunitsiviillu ilaanni immameersuusinnaavoq. Imeq tarajoqanngitsoq najukkami imermik pilersuiffinneersinnaalluni. 

Kalaallit Nunaata ilaani imeq tarajoqanngitsoq pissarsiariuminaappoq, taamaammallu tarajuiaat (RO-anlæg) atorlugu imermik tarajoqanngitsumik pilersuisoqartarpoq. Periuseq akisullunilu pisariuvoq, taamaammat imeq imaaneersoq salillugu atorneqartalernissaanut periarfissarsiortoqarpoq.