Siunertarput
Siunissamut piujuartitsiffiusumut
naleqarnermik pilersitsivugut
Atlantikup Avannaani tamarmi nunap inoqqaavini inuiaqatigiinni ukiut 4500-t ingerlaneranni ataatsimoortumik ilisimassuseqalersimavugut, ima taagukatsinnik Ilisimasavut, tamatuma pinngortitaq peqatigalugu inuunissarput piviusunngortissimavaa.
Imartagut aamma aalisakkat immikkuullarissuupput nalitullutillu, uagullu taakkuninnga illersuinissatsinnut pisussaaffeqarpugut, taamaalilluta siunissami kinguaariinni amerlasuuni nalerisimaneq ingerlatsiinnarsinnaassavarput. Imaaneersunik piniarneq ileqquinnaanngilaq kisianni inuiaqatigiinni suliniuteqarfigisatsinni tunngaviliisutut isigineqarpoq. Oqaluttuarisaanitsinnut tamanna naapertuuppoq aamma siunissami niuersinnaanitsinnut attanneqarsinnaasumik aalisarneq pingaaruteqarpoq.
Taamaattumik Royal Greenland annertuumik akisussaaffeqarpoq.
Aalisarnermi isumalluutigut tamakkiisumik atorluarnerisigut inuiaat siunissaat, nioqqutigut aamma nunarput piujuartitsiffiusoq qulakkiissallugu anguniagaraarput. Najukkami sulineq ingerlapparput nunarsuarlu taamaat tuniniaasarluta kalaallinut 56.000-inut piginneqataasunut iluaqutaasumik.
Nunaqqatitsinnut, nioqqutitsinnut aamma nunatsinnut
siunissamik piujuartitsiffiusumik qanoq pilersitsissaagut
Nunaqqativut
- vores folk
Pingaarutilik illersussavarput, aamma siunissaq piujuartitsiffiusoq amerliartorfiusoq aamma ataatsimoorluta ineriartorfigisinnaasatta pilersinnissaanut pisussaaffeqarpugut. Imarsiornermik ilinniarfinnik neqerooruteqarnikkut aamma isumaqarluartunik suliffissatut periarfissanik pilersitsinikkut nunaqqatitsinnut inuiaqatigiinnullu siunissamik ilusiliisinnaavugut. Atlantikup Avannaani tamarmi inuiaqatigiit aalisartoqarfiusut patajaallisarniarlugit ataatsimut aningaasaqarnikkut naleqassutsimik pilersitsivugut.
Tunisassiavut
- vores produkter
Royal Greenland pitsaalluinnartumik ilisarnaateqartutut akuersaarneqarnissamik anguniagaqarpoq, nunarsuarmi niuerfinni nioqqutit immikkuullarissut aamma piumaneqarluartut nalingisa pitsaanerpaanissaat angusalittut. aalisakkanik imaannarmi pisarineqartunit pisuussutinut periarfissat atorluarniarlugit ukiuni 100-ni misilittat atorpagut. Tunisassiatta tamarmik atorneqarnissaat anguniarparput aamma mianersortumik isumaginerisigut pitsaassuseq eqqiluitsuunissaallu qulakkeerniarlugit anguniagaqarluta sulivugut, aalisakkat qaleruallillu tulluusimaarluta tunisinnaaniarlugit aamma nunarsuarmi tamarmi isumakuluuteqaratik pisisinnaaniassammata.
Nunarput
- vores land
Atlantikup Avannaanitut pinngortitaq assingineqanngilaq. Siumut naatsorsuutigineqarsinnaanngilaq peqqarniillunilu ilutigalugulu eqqiluilluinnarpoq alutornarluinnarlunilu – imaani isumalluutigut nalitoqisut tamaani uumasuupput. Suliffeqarfipput aamma nunarput soorlu tassa aalisagaq imarlu; immitsinnut pisariaqartippugut. Tapertariillutik ajunngitsumik ingerlanissaasa qulakkeernissaat siunertaraarput. Taamaattumik sumiiffiit suliaqarfigisagut, piujuartitsiffiusumik – massakkut aamma siunissaq pillugu illersorniarlugit sulivugut
"Siunissamut piujuartitsiffiusumut
naleqarnermik pilersitsivugut"