Nungusaataanngitsumik aalisarneq
Aalisarnerput ilisimatuussutsikkut siunnersuineq naapertorlugu aqunneqarlunilu pingajuusumit attuumassuteqanngitsumit akuerisaassaaq. Pingaartitat assingusut naapertorlugit aalisakkanik qalerualinnillu pisiortorlutalu nungaasaanngitsumik aalisarneq, immami avatangiisit pissuseqatigiiaallu nutaat pillugit ilisimasanik pilersueqataassaagut.
Akisussaassusilimmik aalisarnermut pingaartitsinermi immikkoortut pingasut pingaartippagut:
1. Tunisassiagut
Tunisassiagut avataasiorluni aalisarnermit, sinerissap qanittuani aalisarnermit aamma najukkami aalisartunit toqqaannartumik pisinermit aamma tukertitanit toqqaannartumik pisinermeersutut immikkoortitersinnaavagut. Tunisassiat 98 &-ii avataasiorluni aamma sinerissap qanittuani aalisarnermeersuupput taakkua marluk akornanni nalingiipajaartumik agguarneqarlutik.
Aalisarnermi pisariaqartinneqartut Royal Greenlandimit nakkutigilluarneqarput, aalisagaqassutsip allanngorneranut ilisimatuussutsikkut uppernarsaatit qisuariarfigineqartarput aamma teknologiit nutaat ineriartortinneqarnerinut peqataasoqarpoq.
2. Pingajuusumit akuerineqarneq
Nunatta imartaani aalisarnerup MSC-mi piumasaqaatit naapertorlugit ingerlanneqarnerata atuutilernera aalisakkerinermut ingerlatsieqatigiiffiit, najukkani aalisarnermut peqatigiiffiit, Pinngortitaleriffik oqartussallu qanimut suleqatigiinnerinik tunngaveqarpoq. Suleqatigiinnermi matumani Royal Greenland ilaavoq, ilaatigut Sustainable Fisheries Greenlandimi ilaasortatut.
Suleqatigiinneq -Sustainable Fisheries Greenland
Suleqatigiinneq -Sustainable Fisheries Greenland
Siunissami piujuartitsinermik tunngaveqarluni aalisartoqarnissaa qulakkeerniarlugu Atlantikup Avannaani aamma Issittup Imartaani Royal Greenland suleqatigisanik assigiinngitsunik suleqateqarpoq. Sustainable Fisheries Greenland nunatsinni MSC-tut akuerisaanissamut qinnuteqaatit nalilinerillu suliaqarfinni atorfillit qanimut suleqatigalugit qitiusumik suliaqartuuvoq.
3. Pissuseqatigiiaanik nutaanik niueruteqarneq
Suliffeqarfittut nunarsuarmi inunnut amerligaluttuinnartunut inuussutissanik pilersueqataassagutta pisuussutit immameersut siunissami atorluarnerussavagut.
Taamaaliussagutta pissuseqatigiiaat amerlanerit niuerutiginissaannut inerisarnissaat atuisunullu inuussutissatut pissarsiarineqarsinnaanissaat periarfissaavoq.
Tunisassiat nutaat najukkani suliffissanik amerlanerusunik pilersitsisinnaammata tamanna suliffeqarfitsinnut inuiaqatigiinnullu iluaqutaassaaq.
Nunatsinni niuernikkut ineriartortitsineq immap uumasuinik ilisimatooq aamma aalisakkanik misissuisarfimmi sulisut peqatigalugit misiligutigalugu aalisarnermik aamma pissuseqatigiiaanik soorlu siuterorsuit imarmiut, eqqusat, inalugallit aamma qeqqussanik ineriartortitsineq ingerlanneqarput. Aalisarneq, assigiiaanik ineriartortitsineq aamma misissugassanik tigooraaneq sivisusinnaavoq, ukiumit ukiumut ilisimasat amerlanerulertarput aamma tunisassiornissamut imaanit isumalluutinik nutaanik ineriartortitsisinnaalertarpugut.
Nunatsinni nutaaliorneq
Pissuseqatigiiaat allat niuerutigineqarsinnaalernissaannut ataavartumik periarfissaqarnissaq teoriimik naammasissaqarnermillu aamma tunisassiassat pillugit ulluinnarni misileraanermik tunngaveqarluinnarpoq.
Sunniuteqarnerput
Aalisakkat qaleruallillu atorlugit nutaanik inuussutissaliornikkut atorluaaneq annertunerpaaffissaaniitinniarparput. Akisussaassuseqartumik atuinikkut pisuussutillu ataavartinneqarsinnaanngitsut nikerartumik atornerisigut avatangiisimut sunniuteqarnerput minnerpaaffissaaniitinniarparput.Suliffimmi pitsaasunik atugaqartitaaneq
Avatangiisitigut aqutsineq sullivimmi avatangiisinut aqutsinertalik pilersikkusupparput, timikkut aamma tarnikkut sullivimmi avatangiisinut aamma sulisut tamarmik ajunngitsuunissaannut illersuisoq. Immitsinnut piumasaqaateqartarnitsitut pilersuisugut assigiimmik piumasaqaateqarfigisarpagut.Nunatsinni ilinniarneq
Ilinniarfeqarfiit suleqatigalugit uagullu nammineq ilinniarfipput Royal Greenland Academy aqqutigalugu Kalaallit Nunaanni inuiaqatigiinni piginnaanngorsaanermik ilinniartitsinermillu akisussaafferujussuarmik tigusivugut.