3500x2400px_Hero Images_4b

Nunatsinni ilinniarneq

Nunatsinni ilinniartitsineq pillugu anguniakkagut angorusutagullu Naalagaaffiit Peqatigiit anguniagaanni nunarsuarmut tamarmut atuuttuni #4-mit tunngaveqarput

CSR-UK-Icon-4
Ilinniarfeqarfiit suleqatigalugit uagullu nammineq ilinniarfipput Royal Greenland Academy aqqutigalugu Kalaallit Nunaanni inuiaqatigiinni piginnaanngorsaanermik ilinniartitsinermillu akisussaafferujussuarmik tigusivugut.

 

​Nunatsinni ilinniartitsinermi immikkoortut marluk qitiutippagut:

​1. Inuiaqatigiinni kalaallini piginnaasanik piorsaaneq

​Piujuartitsinermik tunngaveqarluni ineriartortitsineq pillugu anguniagaq nr. 4 ilinniartitaanermut pitsaasumut assingiimmik periarfissanik pilersitsinissamut tunngavoq. Royal Greenlandimi anguniakkat nunarsuarmut tamarmut atuuttut pillugit piviusunngortitsiniarnitsinni ilinniagakinnerpaat ilinniagaqarnerunissaanik kissaateqarnerput timitalerparput.
 
​Suliffeqarfimmi aqutsisut piginnaanngorsarneqarnerisa ingerlaannarnissaa kiisalu ilinniartuutitsinnik suli annertunerusumik tapersersuinissarput aamma kissaatigaarput.
​Suliffeqarfissuaq qaffasissutsini suliaqarfinnilu tamani sulisorpassuarnik pikkorissunik pisariaqartitsivoq, ilinniagaqannginneq aamma ilisimasaqannginneq suliffeqarfimmut aningaasatigut aamma suliatigut aarlerinartorsiortitsisinnaavoq. ​Ilinniartut sivikitsumik, akunnattumik sivisuumillu ilinniagaqartut suliffimmik misiliiffissaannik neqerooruteqarfiginerisigut inuiaqatigiinni piginnaasanik qaffassaanermut tapersiinissamut Royal Greenlandimi pimoorussilluta sulivugut.

2. Royal Greenland Academy

Akademiimi suliniutinik suliffeqarfimmi piorsarsimassusermik, naammagisimaarinninnermik suliffimmilu nuannaarnermik qitiutitsisumik pitsanngorsaaqataasunik ataqatigiissaarisoqartarpoq, soorlu aamma Royal Greenland Academy pikkorissarnernik arlalinnik inatsisitigut pisussaaffiliisunik aqutsisarpoq.

Royal Greenlandip tunisassiorfiini sulisorpassuit ilinniagaqanngillat. Sulisut taakkua piginnaaneri pikkoriffillu sulianut tunngasunik ingerlaavartumik pikkorissartitsinikkut ineriartortinneqartarput, ilinniarfinnit imaluunniit suliffeqarfiup iluani Royal Greenland Academymik ingerlanneqartunit neqeroorutigineqartunit.

Akademiip suliniutit soorlu “Sulisa+”, tassuunakkut suliffeqarfimmi piorsarsimassusermik, naammagisimaarinninnermik suliffimmilu nuannaarnermik qitiutitsisumik pitsanngorsaaqataalluni ataqatigiissarpai. Tamatuma saniatigut Royal Greenland Academy pikkorissarnernik arlalinnik inatsisitigut pisussaaffiliisunik aamma aqutsisarpoq.

Royal Greenland qanoq ilinikkulluunniit aqutsisussanik pikkorissunik sulisoqarsinnaaniassammat sulisut ataasiakkaat suliffeqarfissuarmi sulilluarnissaannik kajumissaarniarlugit angusaqarluarniarlunilu ilinniakkanik ilinniaqqiffinnillu neqerooruteqarpoq.