Niuerneq

Niuernermi pisisartunut peqqissutsimut tunngasunik ilisimasalinnut aalisakkat qaleruallillu qaffasinnerpaamik pitsaassusillit

Niuertunut aalisakkat qaleruallillu pitsaalluinnartut, patajaatsumik nassiussineq aamma aaqqiissutit naleqqussakkat unammillerfiusumi nioqqutitigut iluanaarnissaannut patajaallisaasinnaasut neqeroorutigaagut.

Niuerneq

Royal Greenland niuerfinni pisiniartartut pisortaannut aalisakkanik qalerualinnillu pilersuisuuvoq tatiginartoq, niuerfinnullu tunngasuni annertuumik misilittagaqarpugut ilisimasaqarlutalu. Aalisagaatigut qaleruallillu toqqagassaapput inuussutissaqarluartut peqqinnartullu, omega-3-fedtsyrinik imaqarluartut, proteinitallit aamma vitaminitallit -ullumikkut atuisunut peqqissutsimut tunngasunik ilisimasalinnut naleqqulluinnartut. Inuussutissat piujuartinneqarsinnaasut ujartorneqaraluttuinnarlugut nioqqutissat akuerisat piujuartinneqarsinnaasut assigiinngitsut neqeroorutigaagut pisiniartariaatini ileqqorissaarnermut piumasaqaatinut naapertuuttut.

"Aalisakkanut, pisisartunut atuisunullu qaninnerpaavugut"

Nioqqutigut assigiinngiiaartut nerisassiornikkut amerlasuunik atorneqarnissaminnut periarfissaqarluarput, tamannalu pisisartut piumasaat assigiinngitsut malinnissaannut periarfissiivoq. Tamatuma saniatigut aalisakkat qaleruallillu assigiinngitsut niuertunut niuerfimmi soqutiginartuunissaannut, amerlanerusunik pisiniartartoqarnissaannut aamma atuisut piumasaqaataasa allanngorartut malinnissaannut periarfissiipput. Royal Greenland suleqatigalugu niuertut aalisakkanik qalerualinnillu pitsaalluinnartunik pissarsissapput, tatiginartumik pilersuisoqassapput aamma naleqqussakkanik aaqqiissutinik pissallutik, niuerfimmi unammilleqatigiinnermut patajaallisaasunik.

Ilisarnaatitut immikkoortitikkagut

Aalisakkanik qalerualinnillu ilisarnaatilinnik pisunut tamanut nioqqutinik neqerooruteqarpugut. Qaaqqusanut - nalliuttuni allanilu immikkuullarissuni imaluunniit ulluinnarni iluatannissamut pisariaqartitsilaarnermi pitsaanerpaat taamaallaat naleqquppata - aalisakkat qaleruallillu immikkuullarissut Royal Greenlandimeersut toqqarnissaat naleqqulluinnarput. Ulluinnarni ulapaarfiusuni, nerisassiornissamut piffissaq akunnatsillugu, Royal Greenlandimit ulloq aamma annaanneqarsinnaavoq inuussutissaqarluartunik mamartunillu nerisassanik neqerooruteqarnikkut.

Sullitat nammineq ilisarnaataat

Takussigit aamma qanoq iliorluta sullitatsinnut niuerfimmut nammineq ilisarnaatit atorlugit nioqqutissioriaaseqarnissarput.

Uani paasisaqarnerusinnaavutit

Poortuutit

Nioqqutinik pilerinartunik ineriartortitsinermi poortuutit pingaaruteqarluinnartumik atuuffeqarput. Poortuutitigut aaqqiissuteqarnikkut pitsaasumik nioqqutinik poortuineq aamma asiunaveersaartitsineq, pisiniarfimmi ilisarnaatinik nittarsaassineq, naleqarnerulersitsineq tamaat aqqutigalugu tigussaasunik aaqqiissuteqarnikkut aamma atortut atoqqinneqarsinnaasut avatangiisinullu mingutsitsinngitsut annertusinissaat pingaartippagut.

Puussiaq

Puussiaq akikippoq ajornaallunilu, pitsaasunik attaveqarnissamut periarfissiisoq aamma toqqortariuminartoq. Puussiat angissusaat sananeqaataallu assingiinngitsuupput. Sananeqaataata ilusaatalu akulerinneri nioqqutip eqqortumik inisseeqataapput.

Karseeraq

Karseeraq poortuutaavoq immikkut ittoq, qerititsivimmut inissilluarsinnaavoq. Karseeqqat assigiinngitsunik angissuseqarput isikkoqarlutillu aamma qaavata angissusaa pissutigalugu nioqqutigineqartoq saqqummiulluarneqarsinnaavoq inissilluarneqarlunilu.

Uiguleriisillugit poortuineq

Uiguleriisillugit poortukkat nioqqutigineqartoq taamaat nuisatissinaavaat - sisamat angullugit ineerartaqarsinnaapput. Uiguleriisillugit poortuineq poortueriaasaavoq pitsaalluinnartoq, nioqqutinik ersarinnerusitsisoq.

Bægerit

Bægerit plastikkit angissutist assigiinngitsut qalerualinnut lagimiittunut atorneqartarput. Bægerit nioqqutinut lagilinnut atorneqartartut assigiinngitsunik angissuseqarput nillataartitsivimmi nioqqutinut takussutissiilluarsinnaasunik.

Igalaamineq

Igalaamerngit qummuattat suannut bakteriaajakkanut atorneqartarput. Taamatut poortuineq nioqqutinut immikkuullarissumik isikkoqartitsisarpoq suannullu illersuuttaalluarlutik. Igalaamernginik, meqqiinik, niputtartunillu toqqaaneq nioqqutinik eqqortumik inissiilluarnissamut tapertaasarpoq.

Silaannaarlugit poortuineq

Silaannaarlugit poortuineq poortueriaasiuvoq qajannaatsoq aalisakkanik qalerualinnillu qajannartunik illersuilluartoq. Silaannaarlugit poortukkat ilitsivimmi kusanartaqaat. Ersittumik kartongitalernerata saqqummiussineq pitsaanerulersissinnaava, pisiniarfimmi sulisunut nioqqutinik isumaginninneq ajornannginnerulersillugu.