Kulturikkut kingornussarput
Kalaallit Nunaat, Savalimmiut Danmarkilu naalagaaffeqatigiipput. Royal Greenlandip oqaluttuassartaa 1774-mili aallartippoq, taamanimi danskit naalagaaffiata nunatsinnik niueqatigiinneq tunngavilerpaa. Tamatumunnga atatillugu Den Kongelige Grønlandske Handel – KGH pilersinneqarpoq. Niuerneq Kalaallit Nunaanni Namminersornerullutik Oqartussanit 1979-mi akisussaaffigineqalerpoq, taassumalu kinguninngua ateq Royal Greenland nunatsinneersunut qaffasissumillu pitsaassusilinnut ilisarnaatitut pilersinneqarpoq.
Nunarput 2.166.000 km² isorartussuseqarami nunarsuarmi qeqertani annerpaavoq. Nunarujussuugaluartoq inuit sinerissamiinnaq sikuertartumi najugaqarput. Nunap annerpaartaa ukioq naallugu sermersuarmik poorsimasarpoq.
Royal Greenland A/S ullumikkut aktiaateqarluni ingerlatseqatigiiffiuvoq namminersortoq, aktiallu 100 % -ii Kalaallit Nunaanni Namminersorlutik Oqartussanit pigineqarput.
Nunatsinni najukkami inuiaqatigiit aalisartut aalisarnermi ileqqui Royal Greenlandip niuernerani pingaarnerpaapput. Issittup imartaanit kinguppaat, qalerallit, saattuat, saarulliit nipisallu Kalaallit Nunaata Kitaani aalisarneqartut pingaarnerit ilagaat. Aalisakkanik, qalerualinnik aalisakkaniillu nioqqutissianik assigisaanillu suliaqarlunilu niueruteqartarneq Nunatsinni najukkami inuiaqatigiit attanneqarsinnaanissaannut tunngaviupput.
Ileqquusumik aalisariaatsit teknologiilu nutaaliaanerpaaq pillugu ilisimasat ullumikkut kattullugit atorneqarput.