Inooqataanikkut akisussaaneq
Inuiaqatigiinnut, pisisartunut, aaqqissuussaanitsinnut aamma piginnittunut qanoq allanngueqataasinnaanitsinnut nassuiaasumik anguniagarput piviusunngortinniarlugu inuiaqatigiinni akisussaaqataanermik ineriartortitsivugut.
Suliffeqarfik
Siunertarput aaqqissuussaanermilu niuernikkut periusissiarput eqquutsissavavut ima iliorluta:
- Nunarsuaq tamakkerlugu aqutsisunut qitiusoqarfittut nunatsinni qullersaqarfigeriigarput nukittorsassavarput aammali ilutigalugu Svenstrup aamma Gdansk ilisimasanik qitiusoqarfittut annertusaavigissallutigit.
- Sulisunut tamanut periarfissat sukumiinerusumik nassuiarnerullutigit sulisumullu namminermut suliffeqarfimmullu kiisalu inuiaqatigiinnut naleqarnerulersitsisussanik sulinermi qaffassarfissanik ersarissunik piginnaanngorsarfissanik aqutsisutullu atuuffissanik ineriartortitsilluta.
Inuiaqatigiit
Ullumikkut aamma siunissami najukkami inuiaqatigiit patajaallisarumavagut ima iliorluta:
- Aalisarfiusuni ingerlataqarfigisatsinni uumassusillit inoqasersornerillu piujuaannarnissaat illersorlutigu attaveqaasersornermilu pingaarutilimmik akisussaaffeqarnerput nukittorsarlutigu.
- Sumiiffinni aalisartut ataqqillutigit, naapertuilluartumik isumassuisumillu sulisutta pisarnerisa assinganik akisussaassusilimmik iliuuseqarfigisarlutigit pillutigillu.
- Imarsiornermi ilinniarfiit tapersersornerisigut siuariartorneq tapersersorlutigu inuit ataasiakkaat nunatsinni tunisassiornerup iluani periarfissaqartillutigit.
Piginnittuuneq
Piginnittuunermut politikki atuuttoq tunngavigalutigu pisussaaffeqarpugut:
- Piujuartitsiffiusumik iluanaarnartunillu patajaatsunik isertitaqaataasartussanik niueriaaseqarnitsigut nunarsuarmi tamarmi immameersunik nerisassianik naleqarnerulersitsinitsigut.
- Anguniakkatta qanoq anguniarneqarnerata suliffeqarfimmilu suliniutigineqarnerata imminnut ataqatigiinnissaat qulakkeerlugu.
- Suliffeqarfimmi aqutsisuniit siulersuisuniillu, inuiaqatigiinniit piginnittuniillu akuleruffigineqannginnissaq naapertorlugu paasiuminartuutitsinissaq ammasumillu peqataatitsinermik siuarsaanikkut.
Pisisartut
Nioqqusianik eqqasuuteqarata nerineqarsinnaasunik tunniussaqarnitsigut tulluusimaarlutalu tuniniaanitsigut ima iliornitsigut:
- Suliffeqarfimmut, pisisartunut atuisunullu tamanut naleqarnerulersitsisumik patajaatsunik aningaasartuutikinnerpaaffiusumillu nerisassianik immameersunik pisisartunut periusissiorluta sullissinitsigut.
- Inoqasersornermik piujuartitsinermilu malitassanik attassiinnarnikkut tunngavissaqarluarlunilu pisiortortarnissap qulakkeernissaanut nioqqutissiatta paasissutissartaannik paasiuminartuutitsinissamik qulakkeerinninnikkut.
"Siunissamut piujuartitsiffiusumut
naleqarnermik pilersitsivugut"