Piujuartitsinermi suliniutigut
Ingerlatsineq suleriuserlu
Royal Greenlandip piujuartitsineq siunertaralugu suliniutaa suleqatigiinnit pisortaanermit aqunneqartunit qaammatit pingasukkaarlugit suliarineqartarpoq. Suliniut pisortaqatigiinniit akuerineqartarlunilu siulersuisunut ukiumut ataasiarluni saqqummiunneqartarpoq.
Piujuaannartitsinissamik suleqatigiit ullumikkut pisut pillugit malinnaasarput, malittarisassanik malinninnisssamut isumaginnittarput aamma pitsanngorsaalluni suliniutinik iliuutsinillu ingerlaavartumik siunnersuuteqartarput. Piujuaannartitsinissamik suleqatigiit atuutsilersitsinissamut suliaqarnerup aallartinnerani soqutigisalinnik suleqateqartarput aamma ukiumoortumik piujuartitsinissaq pillugu nalunaarusiornermut akisussaasuusarput.
Naleqalersitsiartorluni ingerlatsinermi tamarmi suleriuseq allanngorartoq
Piujuartitsineq pillugu suliniut pisortaqatigiinnit akuerineqarlunilu siulersuisunut saqqummiunneqartarpoq.
Soqutigisallit attaveqatigiinnerat
Royal Greenland suliffeqarfittut tamakkiisumik ingerlataqarluartutut aalisarnermiit tuniniaanerup tungaanut ingerlataqarpoq. Tassa imaappoq, suliffeqarfissuarmi naleqalersitsinermi soqutigisalippassuupput, maannamut iluminni nunanilu tamalaani attaveqartuusut.
Royal Greenlandip najukkami nunanilu tamalaani inuiaqatigiinni pingaarutilimmik inissisimaneranut pilersuisut, sulisut, pisisartut, oqartussat kattuffiillu soqutigisallit aallaaviupput.
Soqutigisallit assigiinngitsut siammasissumik suleqatigalugillu attaveqatigisarpagut, taakkulu tunniussinnaasaat aallussinitsinni, pingaartitatsinni periusitsinnillu pingaarutilimmik inissisimapput. Soqutigisalinnik attaveqateqarnitsinniit pissarsiarisartakkagut Piujuartitsineq pillugu periusitsinni annertuumik aamma sunniuteqarpoq.
Soqutigisallit Royal Greenlandip suliffeqarfimmi avataanilu attaveqatigisartagai nigaliup iluani takusinnaavatit.
Naapertuussutsimik misissuineq
Royal Greenland suliffeqarfittut pingaarutilinnik misilittaallunilu suliffeqarfimmik ingerlatsinermi periarfissanik atorluaanissamut akisussaaffeqarpoq.
Aaqqissuussaasumik naapertuussutsimik misissuineq aqqutigalugu ESG aamma piujuartitsinermut pissutsit suussusersivagut, suliffeqarfimmullu aamma avatangiisitsinnut pingaarnerpaat qitiutillugit.
Naapertuussutsimik misissuineq akisussaaffimmik, nalorninartunik periarfissanillu tunngaveqarpoq. Sulisunut, avatangiisinut, suliffeqarfimmut inuiaqatigiinnullu ilaaffigisatsinnut.
Immikkoortukkuutaani taakkunani marlunni qulequttat pingaarnerit immersugassami nassuiarneqarput tamatumalu kingornalu FN-ip piujuartitsisumik ineriartornermut anguniagaanut atatillugu misissorneqarput.
Nungusaataanngitsumik aalisarneq
Aalisarnerput ilisimatuussutsikkut siunnersuineq naapertorlugu aqunneqarlunilu pingajuusumit attuumassuteqanngitsumit akuerisaassaaq. Pingaartitat assingusut naapertorlugit aalisakkanik qalerualinnillu pisiortorlutalu nungaasaanngitsumik aalisarneq, immami avatangiisit pissuseqatigiiaallu nutaat pillugit ilisimasanik pilersueqataassaagut.Sunniuteqarnerput
Aalisakkat qaleruallillu atorlugit nutaanik inuussutissaliornikkut atorluaaneq annertunerpaaffissaaniitinniarparput. Akisussaassuseqartumik atuinikkut pisuussutillu ataavartinneqarsinnaanngitsut nikerartumik atornerisigut avatangiisimut sunniuteqarnerput minnerpaaffissaaniitinniarparput.
Suliffimmi pitsaasunik atugaqartitaaneq
Avatangiisitigut aqutsineq sullivimmi avatangiisinut aqutsinertalik pilersikkusupparput, timikkut aamma tarnikkut sullivimmi avatangiisinut aamma sulisut tamarmik ajunngitsuunissaannut illersuisoq. Immitsinnut piumasaqaateqartarnitsitut pilersuisugut assigiimmik piumasaqaateqarfigisarpagut.Nunatsinni ilinniarneq
Ilinniarfeqarfiit suleqatigalugit uagullu nammineq ilinniarfipput Royal Greenland Academy aqqutigalugu Kalaallit Nunaanni inuiaqatigiinni piginnaanngorsaanermik ilinniartitsinermillu akisussaafferujussuarmik tigusivugut.